Ақпараттандыру жаңалықтары

Жағымды жаңалығы мол

Қоғамның белсенді мүшесі ретінде Президентіміздің жылдығы дәстүрлі Жолдауынан жағымды жаңалық күтетініміз жасырын емес. Елбасы Н.Назарбаевтың осы екі жылға бірдей Жолдау жолдағаны баршамызға мәлім.
Мемлекет басшысының кезекті Жолдауы айтып тұрғандай, қазақсқатындықтардың әл-ауқатының өсіп, тұрмыс пен табыс сапасын аттыруға бағытталған. Әсіресе, Елбасының Жолдауда елдің әлеуметтік-экономикалық дамуы мен азаматтардың әл-ауқатын жақсарту туралы айтқаны көңілден шықты. Мемлекет басшысы Үкіметке 2019 жылы елдегі ең төменгі жалақы мөлшерін көбейтуді және тұрғын үй коммуналдық мәселелерді шешуді жүктеді. Ең төменгі жалақыны көбейту, қызметшілерге, дәрігерлерге, мұғалімдерге көмек екені мәлім. Сонымен бірге Назарбаев Қазақстанда келесі жылға дейін мұғалімдер мен мектепке дейінгі мекемелердің қызметкерлері үшін барлық игіліктерді қарастырып, жүктемені азайту, жөнсіз тексерістер мен міндеттен тыс функциялардан арашалайтын «Педагог мәртебесі туралы» Заң жобасын дайындау туралы айтқаны мұғалімдер қауымының мерейін үстем етті.
Елбасымыз «Әрбір қазақстандық жүргізіліп жатқан реформалардың мәнін және олардың Отанымызды өркендету жолындағы маңызын жете түсінуге тиіс. Реформаларды табысты жүзеге асыру үшін қоғамымыздың ортақ мақсатта жұмылуы аса маңызды» дей келе, балалар мен жасөспірімдер бірлестігін құрып, мектептерде патриоттық тәрбиенің рөлін күшейтуді қажет деп санағаны еліміздің ертеңі – жастарға тың серпіліс береді деп сенемін. Сондай-ақ, 2019 жыл «Жастар жылы» болып бекітілуі олардың қоғамдағы түрлі салада өз қабілеттерін толығымен пайдалануға мүмкіндік береді деген ойдамын.
Ендеше, қоғамның әрбір мүшесі ретінде Елбасының Жолдауында айтылған міндеттерді орындауға белсене атсалысайық.

Дания Балқыбекова
С.Шәкіров атындағы орта мектебінің бастауыш сынып мұғалімі